სოციალური მეწარმეობის განვითარების პროგრამა

კვლევის მიზანს (როგორც ადგილობრივი, ისე საერთაშორისო გამოცდილების გათვალისწინებით) საქართველოში მოქმედ სოციალურ საწარმოთა ფუნქციონირების შედეგებისა და გავლენის შესწავლა წარმოადგენდა. კვლევის მიზნიდან გამომდინარე, საქართველოში მოქმედი სოციალური საწარმოები და სოციალური სერვისების მიმწოდებელი ორგანიზაციები შევისწავლეთ სოციალური საწარმოს ფინანსური, ეკონომიკური, დასაქმებისა და სხვა ზოგადი მახასიათებლების გათვალისწინებით.

კვლევა განხორციელდა ევროკავშირისა და „პური მსოფლიოსთვის“ (Bread for the World) მხარდაჭერით, პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში, სამოქალაქო საზოგადოების ინსტიტუტის (CSI) მიერ.

კვლევა განხორციელდა ევროკავშირისა და „პური მსოფლიოსთვის“ (Bread for the World) მხარდაჭერით, პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში.

საქართველოს სტრატეგიული კვლევების და განვითარების ცენტრის დაკვეთით კვლევა მომზადებულია დამოუკიდებელი მკვლევარის ირაკლი მხეიძის მიერ 2017 წელს. დოკუმენტის მიზანია შეისწავლოს საქართველოში სოციალური მეწარმეობის საკანონმდებლო საფუძვლები, სამოქმედო გარემო, მხარდამჭერი სისტემა და ძირითადი მაჩვენებლები, მოახდინოს პრობლემების იდენტიფიცირება და შეიმუშავოს რეკომენდაციები აღნიშნულ პრობლემათა აღმოფხვრის მიზნით.

საქართველოს სტრატეგიული კვლევებისა და განვითარების ცენტრის მიერ, საქართველოში პირველად, 2010 წელს გამოიცა კომპლექსური კვლევა სოციალური მეწარმეობის კონცეფციის, მისი განვითარების ტენდენციებისა და საერთაშორისო პრაქტიკების შესახებ. კვლევის ავტორები არიან: ეკა დათუაშვილი, ზვიად მოდებაძე, ია გაბუნია, მარიკა მღებრიშვილი და ვიქტორ ბარამია.

კვლევა მომზადებულია "საქართველოს სტრატეგიული კვლევებისა და განვითარების ცენტრის (CSRDG)" მიერ 2016 წელს. კვლევის მიზანია გაზარდოს სოციალური მეწარმეების ცნობიერება სურსათის უვნებლობასთან დაკავშირებული რეგულაციებისა და იმ ახალი საკანონმდებლო მოთხოვნების შესახებ, რომლებიც 2013 წლის შემდეგ, საქართველოს ევროპის კავშირთან ასოცირების ხელშეკრულების ხელმოწერის შედეგად ამოქმედდა.

კვლევა "საქართველოს სტრატეგიული კვლევებისა და განვითარების ცენტრის (CSRDG)" მიერ 2010 წელს გამოიცა. კვლევის მიზანი იყო ქვეყნის მასშტაბით საზოგადოებრივი ორგანიზაციების საქმიანობისა და განვითარების მდგომარეობის სურათის ასახვა და სხვადასხვა (მათ შორის რეგიონების მიხედვით) თვალსაზრისით გაანალიზება.

კვლევა გამოიცა "საქართველოს სტრატეგიული კვლევებისა და განვითარების ცენტრისა" და "საქართველოს არბაითერ-სამარიტერ-ბუნდის" ერთობლივი პროექტის ფარლგებში. კვლევა მომზადებულია დამოუკიდებელი მკვლევარის ანდრეა სპიტალზსკის მიერ. მოხსენების მიზანია - სახელმწიფოს მხრიდან სოციალური მეწარმეობის მხარდამჭერი მექანიზმების წარმოდგენა შვიდი ქვეყნის მაგალითზე (ავსტრალია, კანადა, იტალია, ლიტვა, პოლონეთი, სლოვენია და დიდი ბრიტანეთი), რაც შესაძლოა დაეხმაროს საქართველოს მთავრობას შექმნას მორგებული მხარდაჭერის მეთოდები, ქვეყნის თავისებურებების გათვალისწინებით.

კვლევა გამოიცა "საქართველოს სტრატეგიული კვლევებისა და განვითარების ცენტრის (CSRDG)" მიერ 2010 წელს. კვლევის ავტორები არიან ლევან ალაფიშვილი და შოთა მურღულია. კვლევაში განხილულია საქართველოში სოციალური მეწარმეობის მიმართულებით არსებული რეგულირების მექანიზმები.