ევროკავშირისა და #CSRDG-ის მხარდაჭერამ stop-motion ანიმაციას საქართველოში ახალი სიცოცხლე შესძინა. ამ მხარდაჭერის დახმარებით, სტუდია ფანტასმაგორია ისეთ სივრცედ იქცა, რომელიც ახალგაზრდა ანიმატორებს საქართველოში შესაძლებლობას აძლევს ისწავლონ, განვითარდნენ, შექმნან და მათი უნარები მსოფლიო ასპარეზზე გაიტანონ. ©2024 - ევროკავშირის წარმომადგენლობა საქართველოში
ეთნოდიზაინი 350-მდე ოსტატს ეხმარება ნამუშევრების განვითარებასა და რეალიზაციაში. მათი გამორჩეული ინიციატივაა, #CSRDG-ის მიერ მხარდაჭერილი, მოძრავი მაღაზია “Pop-up ეთნოდიზაინი”, რომელიც საქართველოს გარშემო მოგზაურობს და ოსტატებს აძლევს შესაძლებლობას გააცნონ და გაყიდონ თავიანთი პროდუქცია ქვეყნის სხვადასხვა კუთხეში. ©2024 - ევროკავშირის წარმომადგენლობა საქართველოში
“ტენეს” ისტორია გარემოზე ზრუნვის სურვილით დაიწყო. ევროკავშირისა და "აქციოს" მხარდაჭერით, ტენემ პლასტმასის შეგროვება და გადამუშავება გაზარდა, პროცესები კი უფრო ეფექტიანი გახადა. ტენეს მისია გარემოსდაცვით მიზნებზე მეტია. საწარმო იძულებით გადაადგილებულ პირთა დასახლებაში, წეროვანში მდებარეობს და მხოლოდ ადგილობრივებს ასაქმებს. ©2024 - ევროკავშირის წარმომადგენლობა საქართველოში
ბაბალე დაუნის სინდრომის მქონე ბავშვების მშობლებმა დააფუძნეს იმ გამოწვევების დასაძლევად, რასაც მათი შვილები აწყდებიან საქართველოში. ბაბალეს მისია მათი ბავშვების დასაქმებისა და დამოუკიდებელი ცხოვრების ხელშეწყობაა. ევროკავშირისა და გავლენის ფონდ აქციოს მხარდაჭერით, ბაბალემ შეძლო დამატებითი სახელოსნოების გახსნა და უფრო მეტი ადამიანის დასაქმება. ©2024 - ევროკავშირის წარმომადგენლობა საქართველოში
გარდავქმნით გამოწვევებს შესაძლებლობებად! მოუსმინეთ ნონა ნონიაშვილს, სოციალური საწარმო "ჩემპის" თანადამფუძნებელს, რომელიც გვიყვება, თუ რა როლი ითამაშა ევროკავშირისა და გავლენის ფონდ "აქციოს" მხარდაჭერამ მისი სოციალური საწარმოს განვითარებაში. “ჩემპი” ხელს უწყობს საოკუპაციო ხაზთან მცხოვრებ ადგილობრივ ფერმერებს. ©2024 - ევროკავშირის წარმომადგენლობა საქართველოში
აღმოაჩინეთ სოციალური მეწარმეობის გავლენის გმირის შთამაგონებელი მოგზაურობა მწვანე ინოვაციების სამყაროში, რომლის შესახებაც "ტენეს" დამფუძნებელმა სანდრო ლილუაშვილმა სოციალური საწარმოების B2B გამოფენაზე ისაუბრა.
გაიცანი "ფანტასმაგორია" - სოციალური საწარმო, რომელიც მივიწყებულ ქართულ დარგს ახალ სიცოცხლეს სძენს. როგორ დაიწყო ელენე თავაძისა და სოფო ჭინჭარაულის ფანტასმაგორიული მოგზაურობა ქართული, თოჯინური ანიმაციის აღდგენისა და დარგის პოპულარიზაციის მისიით
"გავლენის გმირობისთვის 6 წელი დაგვჭირდა. თავისუფალმა სივრცემ შეძლო და რეალურად შეცვალა ადამიანების ცხოვრება" - გაიცანით "თავისუფალი სივრცე", სოციალური კაფე ბათუმში, რომელიც შშმ პირებს ასაქმებს და ჟესტური ენის პოპულარიზაციაზე ზრუნავს.
"საქართველოს ყველა რეგიონში, ყველა ოჯახში ერთი ადამიანი მაინც ქმნის ტრადიციული ტექნოლოგიით ხელნაკეთ ნამუშევრებს. თუმცა, ხშირად არ იციან, რომ მათ საქმიანობას, შეიძლება, ეკონომიკური სარგებელი ჰქონდეს" - როგორ გააერთიანა „ეთნოდიზაინმა“ ტრადიციული რეწვის ოსტატები მთელი საქართველოდან და სექტორი 2,3 მილიონი ლარით გააძლიერა.
