სოციალური მეწარმეობის განვითარების პროგრამა

საქართველოს სხვადასხვა კუთხიდან, ცვლილებების ინიციატორი სოციალური მეწარმეები, მრავალფეროვანი ისტორიების, ინოვაციური იდეების და ინკლუზიური გარემოს შექმნის, ჩამოყალიბებისა და განვითარების ხელშეწყობით არიან დაკავებულები.

აღმოაჩინე სოციალური მეწარმეობის ძალა, რომელსაც გულანთებული ადამიანები ყოველი ჩვენგანისთვის ქმნიან. გაიგე მეტი, რა ახალი შესაძლებლობები შექმნა პროექტმა, როგორ გააძლიერა სოციალური მეწარმეები და რას ცვლის ერთობლივი ძალისხმევა უკეთესი მომავლის შენების გზაზე. 3-წლიანი მასშტაბური პროექტი ევროკავშირისა და "პური მსოფლიოსთვის" მხარდაჭერითა და CSRDG-ის ლიდერობით, კონსორციუმმა განახორციელა.

საქართველოს სტრატეგიული კვლევებისა და განვითარების ცენტრის (CSRDG) ორგანიზებით, ევროკავშირის მხარდაჭერითა და საქართველოს პრეზიდენტის ადმინისტრაციის პარტნიორობით, 22 თებერვალს ორბელიანების სასახლეში, სოციალური მეწარმეობის საუკეთესო ახალგაზრდა ელჩების დაჯილდოების ღონისძიება გაიმართა.

სოციალური მეწარმეობის ახალგაზრდა ელჩებმა 6 თვის განმავლობაში 6 რეგიონის სოფლებსა და თემებში 70-ზე მეტი შეხვედრა გამართეს 1200-ზე მეტ ახალგაზრდასთან - აცნობდნენ სოციალური მეწარმეობის მნიშვნელობას, ატარებდნენ ტრენინგებსა და აქტივობებს, სტუმრობდნენ სოციალურ საწარმოებს და რეგიონების საჭიროებებს ერთად იკვლევდნენ, რათა გაეზარდათ ცნობიერება სოციალურ-ეკონომიკური გამოწვევების გრძელვადიანი გადაჭრის შესახებ.

CSRDG-იმ, ევროკავშირის ფინანსური მხარდაჭერითა და პარტნიორ ორგანიზაციებთან ერთად, სამი წლის განმავლობაში განახორციელა პროექტი „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“. პროექტის მიზანი იყო გურიაში, კახეთსა და ქვემო ქართლში ადამიანური რესურსების განვითარება რეგიონების სოციალური და ეკონომიკური გაძლიერებისთვის.

ევროკავშირის და „პური მსოფლიოსთვის“ მხარდაჭერით, CSRDG-მ 27 ოქტომბერს „შერატონ გრანდ თბილისი მეტეხი პალასში“ სოციალური საწარმოების B2B გამოფენას უმასპინძლა. მასშტაბური ღონისძიების მიზანი იყო სოციალური საწარმოების, ბიზნესის, საზოგადოებრივი და საჯარო სექტორების პარტნიორობის გაღრმავება და პასუხისმგებლიანი შესყიდვების ხელშეწყობა მეტი სოციალური და ეკოლოგიური გავლენისთვის.

CSRDG-ს ორგანიზებით, ევროკავშირის მხარდაჭერითა და საქართველოს პრეზიდენტის ადმინისტრაციის პარტნიორობით, 24 მარტს ორბელიანების სასახლეში სოციალური მეწარმეობის ახალგაზრდა ელჩების დაჯილდოების ღონისძიება გაიმართა.

გახდი სოციალური მეწარმეობის ახალგაზრდა ელჩი! თუ ხარ 18-29 წლის და ცხოვრობ საქართველოში - ჩაერთე პროგრამაში, გახდი ცვლილებების ინიციატორი და დაეხმარე შენი რეგიონის სოციალური და გარემოსდაცვითი გამოწვევებს გადაჭრაში.

CSRDG-მ სოციალური მეწარმეობის ახალგაზრდა ელჩები ქვემო ქართლში, სამცხე-ჯავახეთში, მცხეთა-მთიანეთსა და შიდა ქართლში შეარჩია. მათი მიზანი იყო სოფლად მცხოვრები ახალგაზრდებისა და მოსახლეობისთვის სოციალური მეწარმეობის პოპულარიზაცია, როგორც ადგილობრივი სოციალური, ეკონომიკური და ეკოლოგიური გამოწვევების გრძელვადიანი გადაწყვეტის გზა.