სოციალური მეწარმეობის განვითარების პროგრამა

კურსის ფარგლებში გაეცნობით სოციალური მეწარმეობის მაგალითებს და მიიღებთ ინფორმაციას საწარმოს დაარსების პროცესზე სოციალური ან გარემოსდაცვითი პრობლემების გადასაჭრელად. გექნებათ შესაძლებლობა შექმნათ გუნდი და იმუშაოთ პრობლემის წყაროს იდენტიფიცირებაზე. კურსი უფასოა და დეტალური ინფორმაციისთვის ეწვიეთ ბმულს.

www.coursera.org გთავაზობთ უფასო ონლაინ სასწავლო კურსს სოციალური მეწარმეობის მიმართულებით ინგლისურ ენაზე. ეს კურსი განკუთვნილია დაინტერესებული ინდივიდუალური პირებისთვის და ორგანიზაციებისთვის, რომელთაც სურთ გამოავლინონ პრობლემები და განახორციელონ სოციალური ცვლილებები. კურსის ფარგლებში მსმენელებს შესაძლებლობა ექნებათ შეიმუშავონ სოციალური საწარმოს ჩარჩო და სტრატეგია. მიიღონ ინფორმაცია სოციალური საწარმოს დაარსების პროცესში საჭირო ყველა ნაბიჯის შესახებ.

კეიპტაუნის უნივერსიტეტის უფასო ონლაინ კურსი www.coursera.org -ზე. კურსის ფარგლებში მსმენელებს აქვთ შესაძლებლობა გაეცნონ, მთელი მსოფლიოს მასშტაბით, სოციალური ინოვაციების მრავალრიცხოვან მაგალითებს. კურსი დაინტერესებულ პირებს აძლევს შესაძლებლობას გამოიმუშავონ სოციალური მეწარმეობის მიმართულებით საკუთარი მიდგომა და შესაბამისი უნარები, გამოვიდნენ კომფორტის ზონიდან და იზრუნონ გარშემო არსებული პრობლემების მოგვარებაზე. კურსი მიმდინარეობს ინლისურ ენაზე. დაინტერესების შემთხვევაში დეტალურ ინფორმაციას გაეცნობით ბმულზე.

კურსის ფარგლებში ყოველ კვირა მსმენელები მოისმენენ რეალურ ისტორიებს და მიღებულ გაკვეთილებს სოციალური მეწარმეებისგან, რომლებიც მთელი მსოფლიოს მასშტაბით მუშაობენ. კურსი დაფუძნებულია მიხეილ გორდონის წიგნზე. ონლაინ კურსი მოცემულია ინგლისურ ენაზე და მისი უფასოდ გავლა შესაძლებელია www.coursera.org - ზე.

ვირჯინიის უნივერსიტეტის უფასო ონლაინ კურსსი მოგცემთ საშუალებას მიიღოთ მეტი ინფორმაცია ადამიანზე ორიენტირებული მიდგომის შესახებ, რაც დაგეხმარებათ პრობლემის გააზრებასა და გადაჭრაში, იდეების გენერირებაში. მსმენელები გაეცნობიან ინსტრუმენტებს, ტექნიკას და აზროვნებას, რომელიც საჭიროა სოციალურ სექტორში ახალი და კრეატიული გადაწყვეტილებების მისაღებად.

კურსი გთავაზობთ შესავალს სოციალური გავლენის სტრატეგიისა და სოციალური მეწარმეობის შესახებ. მოიცავს მათ ძირითად ცნებებს, სფეროს მიმოხილვას და ინსტრუმენტებს, რათა გახდეთ ცვლილებების შემქმნელი. მსმენელები შეისწავლიან თუ როგორ შეიმუშავონ ახალი იდეები და ახალი ორგანიზაციული ფორმები ამ იდეების განსახორციელებლად. პენსილვანიის უნივერსიტეტის კურსის გავლა შესაძლებელია ონლაინ, ინგლისურ ენაზე.

კოპენჰაგენის ბიზნეს სკოლა გთავაზობთ უფასო ონლაინ კურსს. მსმენელებს ექნებათ შესაძლებლობა შეიმუშავონ ბიზნეს მოდელი Business Model Canvas-ის გამოყენებით. მიღებული ინფორმაციის დახმარებით შეაფასონ სხვადასხვა ორგანიზაციული ფორმები და აირჩიონ ის, რომელიც შეესაბამება მათ ბიზნეს მოდელს.