საქმიანობის შესახებ
სოციალური საწარმო „ბებიას” დაფუძნდა 2018 წლის 7 სექტემბერს. „ბებიას” ქართული ბრენდია, რომელიც ერთმანეთთან აკავშირებს ბებიებსა და საზოგადოების დანარჩენ ნაწილს და სიმბოლურია, რომ ეს კავშირი ბებიის მოქსოვილი ყველაზე თბილი პროდუქტით მყარდება. „ბებიას” სოციალური მისიაა ხანდაზმული ადამიანების და განსაკუთრებით ქალბატონების - ბებიების გაძლიერება მათი ღირსეული სიბერის უზრუნველსაყოფად.
სოციალური საწარმო სახლში მყოფ ბებიებს საშუალებას აძლევს, მიიღონ დამატებითი შემოსავალი საყვარელი ხელსაქმით, ხოლო მეორე მხრივ, ქმნის მაღალი ხარისხის თბილ და ეკომეგობრულ პროდუქტს.
პროდუქცია/სერვისი
„ბებიას” მომხმარებელს სთავაზობს ბებიების ხელით, 100%-ით ნატურალური ქართული შალით მოქსოვილ ქუდებსა და სხვა აქსესუარებს. ჩამონათვალშია:
- ქუდები
- წინდები
- ხელთათმანები
ქუდები გათვლილია როგორც საცალო, ისე კორპორატიულ გაყიდვებზე.
სურვილისამებრ, კორპორატიული სერვისის სახით, „ბებიას” მომხმარებელს სთავაზობს ბრენდირებული იარლიყების დამზადებასა და ქუდებზე განთავსებას.
სოციალური შედეგები
- სოციალურ საწარმოში ბრენდის ქუდებს, ამჟამად, რეგულარულად, ოცამდე მქსოველი ბებია ქმნის.
- კათარზისიდან დასაქმებულ ბებიებს, რომლებსაც უკიდურეს სიღარიბეში უწევთ ცხოვრება, გაუჩნდათ დამატებითი შემოსავალი და, რაც არანაკლებ მნიშვნელოვანია, დაუბრუნდათ ცხოვრებისეული შემართება.
- სოციალურ საწარმოს წვლილი შეაქვს გარემოსდაცვითი მიმართულებით. ქუდები, სპეციალურად საწარმოსთვის დამზადებული, 100%-ით ნატურალური თუშური შალით იქსოვება, რომელთა ნაწილი უკვე 100%-ით ბუნებრივი საღებავით არის შეღებილი. ეს კი ამცირებს რეცხვის დროს მიკროქსოვილების გამოყოფას, რაც სინთეტიკური ტანსაცმლის შემთხვევაში გარემოს დაბინძურების ერთ-ერთ უდიდეს წყაროს წარმოადგენს.
საკონტაქტო ინფორმაცია
გიორგი ნოზაძე
+995 577 273 090
საბეჭდი ვერსიის გასახსნელად/ჩამოსატვირთად დააწკაპეთ ბმულს ქვემოთ.
