სოციალური მეწარმეობის განვითარების პროგრამა

გიგა ჩიტიშვილი არის ახალგაზრდა ლიდერი მეწარმეობის და სოციალური ცვლილებების მიმართულებით.

საქართველოს სტრატეგიული კვლევებისა და განვითარების ცენტრში გიგა ჩართული იყო სოციალური მეწარმეობის ახალგაზრდული პროგრამის მიმართულებით 2016-18 წლებში. შედეგად, პროგრამამ გააღრმავა თანამშრომლობები აკადემიურ, საჯარო და კერძო სექტორებთან. 3 სტუდენტური კონკურსის ფარგლებში 500-ზე მეტ ახალგაზრდას საქართველოდან მიეცა შესაძლებლობა გაეღრმავებინათ მათი სამეწარმეო და სოციალური უნარები. გიგას აქტიური ჩართულობით კი 16 სტუდენტს შესაძლებლობა მიეცა გამგზავრებულიყო საერთაშორისო სასწავლო ვიზიტით ევროპის ქვეყნებში, ბიზნეს სექტორის დაფინანსებით. ასევე, 2018 წელს სტუდენტური კონკურსი გიგას ხელმძღვანელობით გაიმართა საქართველოს პრეზიდენტის პატრონაჟით.

პარალელურად, ის აქტიურად იყო ჩართული პარტნიორული ურთიერთობების გარღმავებაში სახელმწიფო და კერძო სექტორთან, რისი დემონსტრირებაც გახლავთ 2022 წელს გამართული გავლენაზე ორიენტირებული მე-3 B2B გამოფენა. 2022 წლიდან გიგა სწორედ B2B პარტნიორობის პროგრამას ხელმძღვანელობს სოციალური მეწარმეობის მიმართულებით.

ინკლუზიურობა, თანაბრობის პრინციპები და მდგრადი განვითარება გიგას ღირებულებებია. აკადემიური თვალსაზრისით გიგა არის ლინეოს უნივერსიტეტის (შვედეთი) მაგისტრი მეწარმეობის, მდგრადობისა და სოციალური ცვლილებების მიმართულებით. სამაგისტრო პროგრამის დასრულების შემდგომ გიგა ხელახლა შეუერთდა ილიას სახელმწიფო უნივერსიტეტს მიწვეული ლექტორის სტატუსით, სადაც მან, როგორც CSRDG-ის წარმომადგენელმა 2019 წელს დანერგა სოციალური მეწარმეობის პრაქტიკული კურსი. აკადემიური კურსი 150-მდე ახალგაზრდამ გაიარა.

გიგას სჯერა გავლენაზე ორიენტირებული საქმიანობის და ამ მიმართულებით მიღებულ თეორიულ ცოდნას პრაქტიკაში ახორციელებს.